မွတ်စလင်မ်များအတွက်နယ်ချဲ့ ဗြိတိသျှပါလီမန်မှ (၁၈၈၂) တွင် အထက်ပါ ပြဌာန်းချက် အ တိုင်း နယ်ချဲ့ဗြိတိသျှတို့သည် ရောက်လေရာအရပ်တိုင်း အထူးသဖြင့် အရှေ့အလယ်ပိုင်း၊ အာဖရိကတိုက်၊ အိန်္ဒိယပြည်၊ မြန်မာပြည်၊ အရှေ့ပါကစ္စတန်နှင့် အနောက်ပါကစ္စတန်တွင် တိတိကျကျ ဆောင်ရွက်ကြသဖြင့် ယင်းနယ်မြေများရှိ မွတ်စလင်မ်များသည် အစ္စလာမ်သာသ နာကိုနားလည်သဘောပေါက်ရာတွင် တူညီနေကြလေသည်။ မြန်မာပြည်တိုင်းရင်းသား မွတ် စလင်မ်တို့ထံ အိန်္ဒိယနှင့် ပါကစ္စတန်နိုင်ငံများမှ တဆင့် အစ္စလာမ် သာသနာတော် ပြန့်ပွား ရောက်ရှိလာသည်။ အိန်္ဒိယတိုက်ငယ်တွင် အိန်္ဒိယပြည်၊ ပါကစ္စတန်၊ ဘင်္ဂလားဒေရှ့် နှင့် မြန်မာ ပြည်တို့ ပါဝင်ပြီး ဗြိတိသျှနယ်ချဲ့သည် အိန်္ဒိယပြည်တွင် ရုံးစိုက်ပြီး ကျန်ပြည်နယ်ငယ်များကို အုပ်စိုးလေသည်။
ထို့ကြောင့် ယင်းဒေသရှိ အစ္စလာမ် သာသနာဝင်တို့ အပေါ်ဗြိတိသျှနယ်ချဲ့တို့၏ ဖော်ပြပါ ပညာရေးမူဝါဒကို ကောင်းစွာပုံသွင်း နိုင်ခဲ့လေသည်။ ပေါ်လွင် လာသော ရုပ်သွင်မှာလည်း အိန်္ဒိယသဘာဝ၊ အိန်္ဒိယဓလေ့ ထုံးတမ်းများနှင့် အိန်္ဒိယယဉ်ကျေးမှု အတိုင်း ဖြစ်ကြသည်။ ၄င်းတို့အားလုံးသည် ထိုအိန်္ဒိယဓလေ့ ထုံးတမ်းများကို အစ္စလာမ့်အမွေအနှစ်ဟု နှစ်နှစ် ကာ ကာ လက်ခံယုံကြည်ထားကြလေသည်။ ၄င်းတို့သည် ဘာသာယဉ်ကျေးမှု၊ မိရိုးဖလာ ထုံးတမ်း ဓလေ့နှင့် လူမျိုး ယဉ်ကျေးမှုတို့ကိုပင် ခွဲခြား၍ နားမလည်ကြချေ။
သို့ရာတွင် ဗြိတိသျှနယ်ချဲ့၏ လှည့်ဖြားမှုက မည်မျှအထိ ထိရောက်ပိုင်နိုင်ပုံကို လေ့လာလျှင် ယင်းဗြိတိသျှ ပညာရေးစနစ် ပျိုးထောင်မှုအောက်တွင် ကြီးပြင်းလာသူသည် မစ္စတာဂလက်စ တုံး မရှိတော့သည့်နောက် ဗြိတိသျှနယ်ချဲ့တို့၏ နေမ၀င်နိုင်ငံများ နေ၀င်ပြီးသည့်နောက်၊ ခေတ်အဆက်ဆက်တိုင် ယင်းဒေသရှိ မွတ်စလင်မ်တို့မှာ ဆက်လက်၍ ဗြိတိသျှတို့၏ သွန်သင်မှုအတိုင်း မပြောင်းမလဲတွေ့နေရသေးသည်။ထို့ကြောင့်ဗြိတိသျှနယ်ချဲ့၏ မွတ်စလင်မ်များအတွက် ပညာရေးမူဝါဒ သက်ရောက်ရှင်သန်သည့် ဒေသရှိ မွတ်စလင်မ် တို့တွင် ကုရ်အာန်ကျမ်းသည် အဓိပ်္ပါယ် သိနားလည်ရန်မလိုဘဲ၊ အသံထုတ်ဖတ်တတ်ရုံ ဖတ်တတ်သော ဆရာဖြစ်သူက တပည့်ကိုလည်း အဖတ်သာသင်၏။ အဖတ်အရွတ်မျှဖြင့် ကုရ်အာန်ကျမ်းမြတ်ကို ဦးထိတ်ပန်ဆင် အရိုအသေထား၏။ သိနားလည်စရာမလို၊ မသိဘဲ ဖတ်ရုံဖြင့် စာတစ်လုံးလျှင် အကျိုးပေါင်းများစွာဖြင့် အကျေနပ်ကြီးကျေနပ်နေ၏။ ယင်းဆရာနှင့် တပည့်တို့ထံတွင် ကုရ်အာန်ဖတ်တတ်ရုံနှင့် သာသနာ့တည်ဆောက်မှု ဘ၀မှာ ပြီးပြည့်စုံ နေလေပြီ။ ကုရ်အာန် ကျမ်းမြတ်ကို ရေးသား ပို့ချသော အရဗီ စာပေသည် အခြား အခြားသော စာပေကဲ့သို့ စာပေတစ်ခု အနေဖြင့် လေ့လာရကောင်းမှန်း မသိရှိတော့ပေ။
ယနေ့ မွတ်စလင်မ်အများစုကို လေ့လာ ကြည့်ရှုကြပါလျှင် ဗြိတိသျှနယ်ချဲ့၏ မွတ်စလင်မ်များ အတွက် ပညာရေးမူဝါဒမှာ ယနေ့ထိတိုင် အပီပြင်ဆုံး အကောင်အထည် ပေါ်လွင်လျှက် ရှိနေသေး၏။ သင်ခန်းစာယူကြဖို့ အချိန်တန်နေလေပြီ။ ဘာသာရေးဆိုတိုင်း မစဉ်းစား မဆင်ခြင်ဘဲ လက်ခံနားထောင် မနေသင့်ဘဲ၊ ကုရ်အာန်လမ်းညွှန်မှု ဖြင့် လည်းကောင်း၊ တမန်တော်မြတ်၏ အဆုံးအမဖြင့်လည်းကောင်း၊ မိမိ၏ ဆင်ခြင်တုံတရား အသိပညာဖြင့် အမှန်နှင့် အမှားကိုခွဲခြား နားလည်ဖို့ အချိန်တန်လေပြီ။မွတ်စလင်မ်တိုင်း အမျိုးသမီးရော၊ အမျိုးသားပါ၊ လူကြီးရော လူငယ်ပါ၊ မိမိ၏ဘာသာသာသနာ အဆုံးအမကို မိမိကိုယ်တိုင် ကိုယ်ကျ အရင်းအမြစ်ကျကျ လေ့လာဆည်းပူးသင့်ပါသည်။ လေ့လာဆည်းပူးရန်လည်းတာဝန်ရှိပါသည်။
ကိုးကားချက်။ ။ ကူဝိတ်နိုင်ငံ ၊ ဒါရွလ်ဘယာန်စာပေတိုက်မှ ၁၉၆၄ ခုနှစ်တွင် (၆)ကြိမ် မြောက်ရိုက်နှိပ် ထုတ်ဝေခဲ့ရ သော မုဟမ္မဒ်ကုသုဗ် ရေးသားသည့် ရှဗ်ဟါသ်ဟောင်လုလ်အစ္စလာမ်အရဗီကျမ်းမှထုတ်နှုတ်ဘာသာပြန်ထားသည်ဆရာဦးမြတ်သူ၏ ဆောင်းပါးကို www.quraninburmese.com မှကူးယူဖေါ်ပြသည်။
Ref : Islam Yaungche Society (IYS) group
No comments:
Post a Comment