ကုရ်အာန် ၈၅း ၁၄ ထို့အပြင် ထိုအရှင်သည်သာလျှင် လွတ်ငြိမ်းချမ်းသာခွင့်ပေးနိုင်သော၊ အလွန်ချစ်ခင်မြတ်နိုးသော အရှင်မြတ်ဖြစ်သည်။.
ဤလောကတွင်အလှအပဆုံး အဖြူစင်ဆုံး အမြင့်မြတ်ဆုံး အကြင်နာဆုံးသော အချစ်မှာ တစ်ပါးတည်းသောအလ္လာဟ်အရှင်အားချစ်ခြင်းဖြစ်သည်။ ထိုအရှင်သည် ချစ်ခြင်းတရားနှင့်ပြည့်စုံသော နှလုံးသားများကို ဖန်ဆင်းရှင်လည်းဖြစ်သည်။ အလ္လာဟ်အရှင်မြတ်သည် နှလုံးသားများကို အချစ်နှင့်လှည့်စေ၍ အရှင့်အားသိကာ ရိုကျိုးနှိမ့်ချခြင်း၊ အမိန့်နာခံခြင်း၊ ကိုးကွယ်ခြင်း၊ ချီးမွမ်းထောပနာပြုခြင်းနှင့် ပီတိဝေဖြာခြင်းတို့ဖြစ်ပေါ်စေသည်။ ထိုသို့ယုံကြည်ကိုးကွယ်ခြင်းသည် အခြားမည်သည့်အရာနှင့်မှ အရှင်မြတ်နှင့်ယှဉ်တွဲ၍မကိုးကွယ်နိုင်ပါ။ ပြည့်စုံသောအချစ်ဟူသည် ရိုကျိုးနှိမ့်ချခြင်းနှင့် အမိန့်နာခံခြင်းတို့မပါဝင်ဘဲပြည့်စုံမှုမဖြစ်နိုင်ပါ။
.
ဟဒီးစ်တော်၌လာရှိသည်မှာအရှင်မြတ်သည် မိုးနှင့်လည်းမဆန့်၊ မြေနှင့်လည်းမဆန့်။ သို့သော် မုအ်မင်န်၏ နှလုံးသား၌ ဝင်ဆန့်တော်မူသည်။
.
သင့် '' ငါ '' အတ္တ (သင်္ခတ) ထွက်ခွါသွားသောအခါ၊ အရှင့် (အသင်္ခတ) ဝင်ရောက်လာပြီး သင်၏ သတိမပြုမိတော့သော သင့်ကိုယ်တွင် အရှင်မြတ်၏ အလှတရားတော်ကို ထုတ်ဖော်ပြသလေသည်။
.
လူသားချင်းထားရှိသောအချစ်ဆိုသည်မှာ ပေးဆပ်ခြင်း၊ ဂရုစိုက်ခြင်း၊ ပူပန်ခြင်း၊ ကာကွယ်ပေးခြင်း၊ ပြုစုယုယပေးခြင်း၊ ယိုင်းပင်းကူညီ ပံ့ပိုးပေးခြင်း၊ အနစ်နာခံခြင်း၊ မျှဝေပေးခြင်းတို့ဖြစ်သည်။
.
အချစ်သည် တာရှည်လာသောအခါ ဝိဇ္ဇာဉာဏ်၏ အလင်းရောင်ဖြစ်လာသည်။ ထိုသို့ဖြစ်လာသောအခါ စိတ်နှလုံး၏ ငြိမ်းချမ်းမှု၊ သာယာမှုနှင့် ကြည်နူးနှစ်ခြိုက်မှုတို့ကိုပေးအပ်လေသည်။ ထိုမေတ္တာအရင်းခံကြောင့် နောင်အနာဂတ်တွင် တစ်ဦးကိုတစ်ဦးဖေးမကူညီယိုင်းပင်းကြလေသည်။
.
** ကုရ်အာန် ၂း ၃၀ အသင်တို့မသိသော အကြောင်းများစွာကို ငါအရှင်သာလျှင် သိတော်မူသည်။
.
အလ္လာဟ်အရှင်မြတ်က လူသားတွေကိုမေတ္တာတရားနဲ့ ဆင်ချင်တုံတရားတွေသင်ပေးထားတော်မူတယ်။ လောကအလှတရားတွေကို ဖန်ဆင်းပေးတဲ့အရှင်က ဖန်ဆင်းပေးပြီးပြီ။ သည်တန်ဖိုးတွေကိုသိပြီး အွန်လိုင်းမှာတိုက်ခိုက်မှုအသီးသီးတွေနဲ့ မေတ္တာတရားခေါင်းပါးတဲ့ ကျောက်ဆိုင်ကျောက်ခဲတွေ လက်ရှိဖြစ်ပေါ်နေတဲ့ ပြည်တွင်း ပြည်ပ အကျည်းတန်မှုတွေကို ဖယ်ရှားပြီး လူအချင်းချင်းမေတ္တာစိတ်လေးတွေ ပြန်ထားကြမယ်ဆိုရင် အလွန်ငြိမ်းချမ်းသာယာတဲ့ လူ့အသိုင်းအဝိုင်းကြီး တစ်ခုဖြစ်လာမှာပါ။ အင်ရှာအလ္လာဟ်။
No comments:
Post a Comment