ဦးဌေးလွင်ဦး တစ်ယောက် နိုင်ငံရေးဘ၀နှင့် နိုင်ငံရေး အငြင်းပွားမှုများကို ပါယ်သတ်လျှက် ဘာသာရေးနယ်ထဲ တွင်သာ ခြေချခဲ့သည်မှာ ရာသီ သုံးပတ်လည်ခဲ့ပြီ။ လက်ရှိ ဖြစ်တည်နေသော နိုင်ငံရေးနှင့် ထိုနိုင်ငံရေးပေါ် မှီတည်လျှက် ဖြစ်ပေါ်နေသော လူမျိုးရေးများ၌ ၀င်ရောက်စွက်ဖက် ပြောလို ခြင်းမရှိ၊ ဆိတ်ဆိတ်နေခဲ့သည်က များသည်။ သို့သော် မပြောမပြီး၊ မတီးမမြည် ကိစ္စများက ဦးဌေးလွင်ဦး၏ အနားမှ ဖြတ်သန်းသွားလာနေသည် များနေသဖြင့် “ပထ၀ီ နိုင်ငံရေးနှင့် လူ” ဟူသည်ကို ပြောရတော့မည် ဖြစ်တော့သည်။
ကျွန်ုပ်သည် ရခိုင်မိဘမှ မွေးဘွားလာခဲ့သော ရခိုင်လူမျိုး တစ်ဦးဖြစ်သည်။ ကျွန်ုပ်တို့ မွေးဘွားကြီးပြင်းလာရာ တစ်လျှောက်တွင် ပတ်ဝန်းကျင်၌ ရခိုင်၊ ဗမာနှင့် ချင်းလူမျိုးများသာ ရှိခဲ့သည်။ ထိုဒေသ ထိုပတ်ဝန်းကျင်တွင် ကမန်လူမျိုး၊ ရိုဟင်ဂျာလူမျိုး ဟူ၍ မကြားဘူးခဲ့- မခံစားမိခဲ့ချေ။ နယ်နမိတ်အားဖြင့် ပြောရလျှင် ရခိုင်ပြည်နယ် တောင်ပိုင်း- သံတွဲမြို့မှ- ဂွမြို့နယ်၏ အဆုံး ကျောက်ချွန်ဆိုသော ကျေးရွာ (၎င်းသည် ဧရာဝတီတိုင်း သာပေါင်း မြို့နယ်၏ မြောက်ပိုင်း ပေါက်လှဂျိုင် ကျေးရွာနှင့် ချောင်းငယ်တစ်ခု စည်းခြားလျှက် ရှိသည်) ထိရှိသမျှသော လူမျိုးများသည် ဘိုးစဉ်ဘောင်ဆက်ကပင် မိမိကိုယ်မိမိ ဗမာ ဟုသာ ခံယူခဲ့သည်။ မှတ်ပုံတင်၌၊ အလုပ်လျှောက် လွှာများ၌ ရခိုင်ဟု ထည့်ရသည်မှာ ရခိုင်ပြည်နယ်ဟု သတ်မှတ်ပေးထားသော နယ်နိမိတ်ထဲတွင် နေထိုင်ရ သောကြောင့်သာ ဖြစ်သည်။ လူမျိုးအစဉ်အလာအားဖြင့် ရခိုင်စကားပြောလျှင်ပင် အတွင်းစိတ်၌ အမြင်ကြည် လင်မှု မရှိလှချေ။ ဗမာလူမျိုးနှင့် ရခိုင်လူမျိုးဟု ခံယူသော လူမျိုးများ၏ စည်းခြားနယ်နမိတ်မှာ သံတွဲမြို့ဖြစ် သည်။ သံတွဲမြို့အား အလယ်မှ ခွဲလျှက်တောင်ပိုင်းသို့ ရွေ့သွားတိုင်း ဗမာလူမျိုးများ ဖြစ်၍၊ မြောက်ပိုင်းသို့ ရွေ့ သွားတိုင်း ရခိုင်လူမျိုးများ ဖြစ်သည်။ စကားပြောလေသံမှာလည်း မြောက်ပိုင်းသို့ ရွေ့သွားတိုင်း ရခိုင်ဘက်သို့ ပို၍ ပို၍ ယိမ်းသွားလေတော့သည်။
ထူးခြားသည်က သံတွဲဇာတိ မွတ်စ်လင်များပင်။ သူတို့က သူတို့ကိုယ်သူတို့ အစဉ်အလာအားဖြင့် ရခိုင်လူမျိုးဟု ခံယူထားသည်။ ခံစားထားသည် ပြောစကားမှာလည်း အသံပျော့ ရခိုင်စကားသာ (ရမ်းဗြဲစကားနှင့် နီးစပ်သည်) ဖြစ်သည်။ သူတို့၏ ဘ၊ ဘိုး၊ ဘေ၊ ဘီ၊ ဘင်၊ ဘွတ်၊ ဘောင် မှစ၍ ထိုအရပ်ဇာတိဖြစ်သည်။ အစဉ်အလာနှင့်ချီ၍ ပတ်ဝန်းကျင် ဗုဒ္ဓဘာသာများနှင့် အတူနေထိုင်ခဲ့သည်။ ပတ်ဝန်းကျင်ကြီး တစ်ခုလုံး၏ ကောင်းတူဆိုးမျှကို အတူ ခံစား၊ စံစားခဲ့သည်။
ထိုရခိုင်မွတ်စ်လင် လူမျိုးထုကြီး၏ စိတ်နှလုံးတွင် ယခုရိုဟင်ဂျာ ဆိုသည့် လူသားများကို ဘင်္ဂါလီ ဟုသာ နား လည်ထားခဲ့သည်။ ခံစားထားခဲ့သည်။ ထိုလူမျိုးသာ မက- ရခိုင်ပြည်နယ် မြောက်ပိုင်းမှ သူတို့ကိုယ်သူတို့ ကမန် ဟု ပြောဆိုသော လူမျိုးများကိုလည်း ဘင်္ဂါလီဟုသာ ခံစားနားလည်ထားခဲ့သည်။ ထိုသို့ ခံစားနားလည်ထားခဲ့ သည်မှာလည်း သူတို့ကိုယ်တိုင်က ရခိုင်ပြည်နယ် ဆိုသည်မှာ ဘယ်အထိ ကျယ်ဝန်းမှန်းကို တိကျစွာ မသိခဲ့ဘဲ သံတွဲမြို့မှာ မြောက်ပိုင်းသို့ မိုင်လေးဆယ်ကျော်ကွာဝေးသော တောင်ကုတ်မြို့ကျော်လျှင် ဘင်္ဂင်္ါလီလူမျိုးများ နေထိုင်သည်ဟု ခံစား နားလည်ထားသောကြောင့်သာ ဖြစ်သည်။
အများစုကြီးမှာ ကျောက်ဖြူမြို့ စစ်တွေမြို့ ဆိုသည်ကို ကြားဘူးယုံမျှသာ ဖြစ်၍၊ ရန်ကုန်မြို့ ပြည်မြို့ ပုသိမ်မြို့များ လောက် နီးစပ်သည် ပတ်သက်မှုရှိသည်ဟု မထင်မှတ်ခဲ့ချေ။ ထို့ပြင် ရံဖန်ရံခါ စစ်တွေမြို့မှ ရခိုင်များ သံတွဲမြို့ သို့ ရောက်လာလျှင်လည်း သူတို့ပြောသော ရခိုင်စကားဆိုသည်ကို သံတွဲမြို့သားများ၏ နား၌ ဘင်္ဂါလီ စကားကဲ့သို့ သာ ကြားမိသည်။ တစ်လုံးတစ်ပါဒမှ နားမလည်၊ ထို့ကြောင့် သူတို့ကိုလည်း ဘင်္ဂါလီဟုသာ သတ်မှတ်ခံစားမိ တော့သည်။
သံတွဲမြို့နယ်မှ ဆယ်တန်းအောင်ချက်ကောင်းသည်၊ အများစုမှ ဒေသခံမွတ်စလင်များ ဖြစ်သည်။ နောက်ပိုင်း တွင် စစ်တွေကောလိပ်မှာလည်း ဒီဂရီကောလိပ်ဖြစ်လာသည် (ယခု မသိပါ)။ သို့ဖြင့် သံတွဲမှ ကျောင်းသားများ စစ်တွေမြို့တွင်သာ ကောလိပ်တက်ရတော့သည်။ သို့ဖြင့် စစ်တွေမြို့ ဆိုသည်ကိုလည်းကောင်း၊ စစ်တွေရခိုင် ဆို သည်ကိုလည်းကောင်း၊ ရိုဟင်ဂျာ ဆိုသည်ကိုလည်းကောင်း၊ ကမန် ဆိုသည်ကိုလည်းကောင်း ထိသိနီးစပ်ခွင့် ရလာခဲ့သည်မှာ ယခုမှ ပြန်တွက်သော် နှစ်ပေါင်း ၂၀ ကျော်လောက်သာ ရှိသေးသည်ဟု ဆိုရမည်။ သို့တိုင် ပညာရေးနယ်၌ ကျက်စားမိသော၊ လူမျိုးဆိုသည်ကို စိတ်ဝင်စားသော လူတစ်စုမျှသာ ဖြစ်ပေဦးမည်။
လူမျိုး- ဆိုသည်မှာ တစ်မျိုးနှင့် တစ်မျိုး ယဉ်ကျေးမှု၊ ဓလေ့၊ စကားပြော၊ ဖြတ်သန်းမှု ဘ၀ အတွေ့အကြုံများ မတူညီကြပေ။ ထိုမတူညီမှု အပေါ်အခွင့်ယူ၍ လူလူချင်း ခွဲခြားလိုစိတ်၊ အထင်သေးလိုစိတ်များမှာ မဖွံ့ဖြိုးသေး သောလူမျိုးတိုင်း၌ ဖြစ်တတ်လေ့ရှိသည်။ ဥပမာ အားဖြင့် ဗမာနှင့် မွန် လူမျိုးများသည် ကိုးကွယ်ရာ ဘာသာတူ သည်၊ သို့သော် ယခုချိန်တိုင် အချင်းချင်း ခွဲခြားလိုစိတ်၊ မခံချင်သော စကားလုံးများဖြင့် နေက်ပြောင် စကားနာ ထိုးလိုစိတ်များ ရှိနေသေးသည်ပင်။ အလားတူ- ရိုဟင်ဂျာ ဆိုသော လူမျိုး၊ ကမန်ဆိုသော လူမျိုး၊ စစ်တွေ ရခိုင်ဆိုသော လူမျိုးနှင့် သံတွဲဇာတိ ရခိုင်၊ ဗမာများကြားတွင်လည်း ထိုသို့သော ပြသနာများ ရှိနေခဲ့သည်။ ရှိနေ သေးသည်။ အမှန်ကို ဆန်းစစ်သော် ထိုသို့ လူလူချင်းကြား ရှိနေသော ခံစားချက်များမှာ အရပ်ထဲမှ ခံစားချက် များသာ ဖြစ်၍- ထိုခံစားချက်များကို နိုင်ငံရေးနယ်ထဲသို့ ဆွဲထည့်မလာသင့်ပေ။
အရပ်ထဲမှ လူမျိုးရေး ခံစားချက်များအား လွှတ်တော်ထဲသို့ ဆွဲသွင်းလိုက်လျှင် ထိုခံစားချက်အား ပုံကြီးချဲ့ပေး လိုက်သည်သာ ဖြစ်၍၊ ထိုလွှတ်တော်မှ ကိုယ်စားပြုသော နိုင်ငံတစ်နိုင်ငံအတွက် မလိုလားအပ်သော ပြသနာ များကို ရင်ဆိုင်ရမည်သာ ဖြစ်တော့သည်။
နိုင်ငံ တစ်နိုင်ငံ အနေဖြင့် နိုင်ငံ၏ အလည်ဗဟိုတွင် နေထိုင်သော လူမျိုးများနှင့် နိုင်ငံ၏ နယ်နမိတ်တွင် နေထိုင် သော လူမျိုးများကို ခွဲခြားနားလည်သင့်သည်။ နိုင်ငံ၏ အလည်ဗဟိုတွင် နေထိုင်သော လူမျိုးသည်ပင် နိုင်ငံ၏ နယ်နမိတ်ကို ကျော်လွန်လျှက် အခြားနိုင်ငံများ၌ ရှိနေသေးတော့သည်။ ဥပမာ အားဖြင့် လက်ရှိ ဘင်္ဂလားဒေ့ရှ် နိုင်ငံထဲတွင် ဗမာလူမျိုးစစ်စစ်များ ဘိုးစဉ်ဘောင်ဆက်ကပင် ရှိနေသည်။ သူတို့သည် ဘင်္ဂလားဒေ့ရ်ှနိုင်ငံသား များ ဖြစ်သည်ဟု သူတို့ကိုယ်တို့ ခံစားထားသည်။ သူတို့၏ လူ ဟူသော လူ့အခွင့်အရေးကို ရယူလျှက် ရပ်တည် နေသည်။ ၁၉၈၈ ကာလထိ သူတို့ကျေးရွာများကို Burma Colony ဟုခေါ်သည်၊ (ယခု အခါ မည်သို့ ခေါ် သည်ကို မသိပါ။) သူတို့ ဘိုးစဉ်ဘောင်ဆက် နေထိုင်ခဲ့ရာ နေရာ ဒေသသည် သူတို့၏ မြေဖြစ်သည်။ မည်သည့် အစိုးရမှ မတော်မတရား သိမ်းပိုက်ယူခွင့် မရှိချေ။
နိုင်ငံ၏ နယ်နမိတ်တစ်လျှောက်တွင် နေထိုင်သော လူမျိုးများမှာလည်း- သူတို့၏ မူရင်းဒေသအား အုပ်ချုပ်မှုအာ ဏာအားဖြင့် ခွဲ၍ နိုင်ငံနယ်နမိတ်သတ်မှတ် ခံလိုက်ရခြင်းကြောင့်သာ လူမျိုးတူ နိုင်ငံကွဲ ဖြစ်သွားရခြင်း ဖြစ် သည်။ မြန်မာနိုင်ငံ၏ နယ်နမိတ်တစ်လျှောက်တွင် နေထိုင်သော လူမျိုးအားလုံး (ရိုဟင်ဂျာ တစ်ခုတည်း မဟုတ်ပါ) နိုင်ငံကွဲသွားခဲ့ရသည်- ထိုင်းဘက်အခြမ်းတွင် မြန်မာမွန်၊ ထိုင်းမွန်၊ မြန်မာကရင်၊ ထိုင်းကရင်၊ မြန် မာရှမ်း၊ ထိုင်းရှမ်း မကွဲသွားခဲ့သော လူမျိုး ဟူ၍ မရှိချေ။ သူတို့၏ ဘ၀မှာ သူတို့နေထိုင်ခဲ့ရာ ဒေသအား “ဘာလင် တံတိုင်း”ကဲ့သို့ နိုင်ငံနှစ်ခုက ခွဲယူလိုက်ခြင်းကြောင့် ဖြစ်ရခြင်းသာ ဖြစ်တော့သည်။ ကချင်လူမျိုးတွင် လည်း တရုတ်ပြည်ဘက်မှ ကချင်လူမျိုးက မြန်မာ ကချင်လူမျိုးထက် ပိုများသည်။ ချင်းလူမျိုးသည်လည်း မြန်မာ ချင်းထက် အိန္ဒိယချင်းက ပိုများသည်။ အလားတူပင် ရိုဟင်ဂျာ လူမျိုး၊ ရခိုင်လူမျိုးသည်လည်း ၁၉၄၈ မြန်မာ လွတ်လပ်ရေးအားဖြင့် နယ်နမိတ်သတ်မှတ်ချက်၌ ခွဲခြားခံလိုက်ရသည်။ မြန်မာပြည်တွင်း ရခိုင်နှင့် ဘင်္ဂလား ဒေ့ရှ် ရခိုင် လူဦးရေ အတူမျှ ဖြစ်သည်။ အလားတူပင် ရိုဟင်ဂျာ လူမျိုးသည်လည်း နှစ်နိုင်ငံခွဲခံ လူမျိုးဖြစ်ခဲ့ သည်။ မြန်မာပြည် ပတ်လည်ရှိ လူမျိုးများ အားလုံး နှစ်ခြမ်းခွဲခြား ခံလိုက်ရပါလျှက် ရိုဟင်ဂျာ လူမျိုးကိုမှ အဘယ်ကြောင့် လက်မခံချင် ဖြစ်နေကြသနည်း- ဟူသည်မှာ ဆင်ခြင်စရာ တစ်ရပ်ဖြစ်လာသည်။
ရိုဟင်ဂျာလူမျိုးဟူသည်- ရခိုင်ဘုရင်များ အုပ်ချုပ်စဉ်က ရခိုင်နိုင်ငံတွင်းမှ လူမျိုးဖြစ်သည်။ ရခိုင်နိုင်ငံသည် ရာမူး ပန်းဝါ အရပ်မှ မော်ဒင်စွန်းထိ ပိုင်ဆိုင်ခဲ့သည်။ ထို့ကြောင့် ရာမူပန်းဝါ မှသည် မော်ဒင်စွန်းထိ ယခုတိုင် ရခိုင် လူမျိုးများ ထုနှင့်ထည်နှင့် ရှိနေဆဲဖြစ်သည်။ မြန်မာပြည်လွတ်လပ်ရေး ယူလျှင် မြန်မာပြည်နယ်နမိတ်အား မည် သို့ခွဲခြား သတ်မှတ်မည်နည်းဟု အင်္ဂလိပ်နန်းရေးဝန် အက်တလီမှ ဗိုလ်ချုပ်အောင်ဆန်းအား မေးစဉ်။ ဗိုလ်ချုပ် က “အင်္ဂလိပ်များ စတင်ဝင်ရောက်စဉ်- မြန်မာများက ဒါ ငါ့နယ်မြေ မထိနဲ့ ဆိုပြီး စတိုက်ခဲ့တဲ့ ဒေသကစ မြန်မာ ပိုင်သည်” ဟု ပြောခဲ့သည်။ ထိုစကားအရ အင်္ဂလိပ်များ စတင်ဝင်ရောက်ခဲ့စဉ်က မဟာဗန္ဓုလ တိုက်ခဲ့သော ရာ မူးပန်းဝါ အရပ်ထိ မြန်မာပိုင်ဖြစ်သည်။ ထိုအရပ်သည် လက်ရှိမြန်မာနယ်စပ် ဘူးသီးတောင်၊ မောင်းတောမှ ယွန်း၍ ဘင်္ဂလားဒေ့ရ်ှအတွင်းသို့ ၄၇ မိုင်တွင်ရှိနေသည်။ အောင်ဆန်း အက်တလီ စာချုပ်တွင် မြန်မာ ပိုင်နက် မှာ ရာမူးပန်းဝါထိ ဖြစ်ခဲ့သည်။ (ထို့ကြောင့်လွတ်လပ်ရေး မတိုင်မှီ ဆရာကြီး ဦးရာဇတ်နှင့် မွတ်စလင်ပြည်နယ် ကိစ္စ ဆွေးနွေးရခြင်းထိ ဖြစ်ခဲ့သည်။)
သို့သော် ဗိုလ်ချုပ်နှင့် လွတ်လပ်ရေး ဖခင်ကြီးများ ကျဆုံးရပြီး နု- အက်တလီစာချုပ်အား ချုပ်ဆိုစဉ်တွင် ရခိုင် အမျိုးသားရေးဝါဒီ အမတ် ဦးအောင်ဇံဝေမှ “အကယ်၍ မြန်မာနိုင်ငံ အနေဖြင့် ရာမူးပန်းဝါထိ နယ်နိမိတ်ယူခဲ့ လျှင် ရခိုင်ပြည်နယ်ဟူသည် မဖြစ်နိုင် ကုလားပြည်နယ်သာ ဖြစ်သွားမည်”ဟု ပြောခဲ့၍ နိုင်ငံနယ်နမိတ်ကို ပြန် လည်သုံးသပ်ခိုင်းလျှက် မေယုတောင်တန်းအား နယ်နမိတ်သတ်မှတ်ရန် တောင်းဆိုခဲ့သည်။ ဦးနု၏ နယ်မြေစုံ စမ်းရေး အဖွဲ့မှ သွားရောက်စုံစမ်းသော်- မေယုတောင်တန်းထက်- မေယုမြစ်က ပို၍ နိုင်ငံနယ်နမိတ်အတွက် လုံခြုံစိတ်ချရသည်ဟု ဆုံးဖြတ်လျှက် မေယုမြစ်အား နယ်ခြားစည်းအဖြစ် သတ်မှတ်ခဲ့သည်။ ထိုခါ ဘူးသီး တောင်နှင့်မောင်းတော နှစ်မြို့ပါလာခဲ့သည်။ အကယ်၍ မေယုတောင်တန်းအား နယ်နမိတ်သတ်မှတ်သော် ဘူး သီးတောင်နှင့် မောင်းတောမြို့များမှာ ဘင်္ဂလားဒေ့ရှ် (ထိုစဉ်က အရှေ့ပါကစ္စတန်)ထဲသို့ ပါသွားမည် ဖြစ်သည်။
ဘူးသီးတောင်၊ မောင်းတောမြို့နယ်များကိုသာ လိုချင်၍ ထိုဒေသတွင် ဘိုးစဉ်ဘောင်ဆက် နေထိုင်ခဲ့သော လူသားများကို မလိုချင်သည်မှာ လွန်စွာသော မတရားမှုသာ ဖြစ်တော့သည်။ ရခိုင်အမျိုးသားရေးဝါဒီ တစ်ဦး၏ စကားကြောင့် တိုင်းပြည်၏ နယ်နမိတ်မှာ ၄၇ မိုင် ဆုံးရှုံးခဲ့ရပြီ။ သို့တိုင် မဆင်ခြင်ဘဲလျှက် ဘူးသီးတောင် မောင်းတောမြို့များကိုပါ ဖဲ့ထုတ်ချင်သည်မှာလည်း မိမိတိုင်းပြည်၏ အချုပ်အခြာ ပိုင်စိုးမှုအား မကြည့် လူမျိုးရေး မုန်းတီးမှု သက်သက်သာ ဖြစ်တော့သည်။
ထိုသို့ လူမျိုးရေး အမုန်းတရားများကို ဦးစားပေးနေလျှင်- မြန်မာများ အနေဖြင့် ချင်းတွင်းမြစ်ဝှမ်းဒေသနှင့် ဧရာဝတီမြစ်တစ်လျှောက်သာ နေရာကျန်ရစ်နိုင် နိုင်ငံတည်ဆောက်နိုင်တော့မည်ဖြစ်တော့သည်။
ရခိုင်ဘုရင်များ၏ လက်ထက်တွင် ထို ရာမူးပန်းဝါမှ လူမျိုးစုသည် ဘူးသီးတောင် မောင်းတောမြို့ထိသာ မဟုတ်ဘဲ ရခိုင်ပြည်နယ်တစ်လျှောက် ရမ်းဗြဲကျွန်းမကြီးထိ နေရာအနှံ့ပြန့်နှံ့နေထိုင်ခဲ့ကြသည်။ ရမ်းဗြဲမြို့နယ် ကျောက်နီမော်ရွာနှင့် အနီး ကျောက်ထရံရွာတွင် လွန်ခဲ့သော နှစ်ပေါင်း ၄၀၀ ကျော်မှ တည်ခဲ့သော ဗလီကြီး ယခုတိုင် ရှိနေခဲ့သည်။ ထိုထက်မက အိုမင်းရင့်ရော်ကာ ပျက်စီးသွားသော ဗလီများ အဆောက်အဦးများလည်း ရှိနေဦးမည်ပင်။ ထိုဒေသ၌ ထိုမျှ သက်တမ်းရှိသော ဘုန်းကြီးကျောင်းဟူ၍ မကြားဘူးပေ။
ထိုလူမျိုးစုသည်လည်း အခြားသော ကချင်၊ ကရင်လူမျိုးစုကဲ့သို့- မြန်မာနှင့် ဘာသာစကားမတူ၊ ကိုးကွယ်ရာ ဘာသာမတူ- ဖြစ်သည်မှာ မထူးခြားပေ။ ထိုအချင်းအရာအား အကြောင်းပြလျှက် မုန်းတီးခြင်းမှာကား လွန်စွာ မနှစ်မြို့ဘွယ်ရာသာ ဖြစ်တော့သည်။
၁၉၇၀-၇၁ ခုနှစ်များတွင် ဘင်္ဂါလားဒေ့ရ်ှအနေဖြင့် ပါကစ္စတန်မှ ခွဲထွက်ရန် စစ်ဖြစ်ခဲ့သည်။ ထိုသို့ စစ်ပွဲအတွင်း စစ်ပြေးဒုက္ခသည်များ မြန်မာဘက်သို့ ၀င်လာခဲ့သည်မှာလည်း ငြင်းစရာ မရှိပေ။ သို့သော် ရိုဟင်ဂျာ လူမျိုး သည်သာ ၀င်လာခြင်း မဟုတ်ဘဲ၊ ဘင်္ဂါလီရခိုင်များလည်း ၀င်လာခဲ့ပေသည်။ သို့သော် ၁၉၇၀ ခု နဂါးမင်း စစ်ဆင်ရေး၊ နောက်ပိုင်းတွင် ဂဠုံမင်းစစ်ဆင်ရေး ဆိုသည့် အကြောင်းပြချက်များဖြင့် ၀င်လာသော စစ်ပြေး ဒုက္ခသည်များအား ပြန်လည်မောင်းထုတ်စဉ်တွင် ဘင်္ဂါလီမွတ်စလင်များကိုသာ မောင်းထုတ်လျှက် ဘင်္ဂါလီ ရခိုင်များကို မောင်းထုတ်ရမည့်အစား- မူရင်းဒေသခံ ရိုဟင်ဂျာများအား ဘင်္ဂါလီစစ်ပြေးများနှင့် ရောလျှက် မောင်း ထုတ်ခဲ့လေသည်။ ဘင်္ဂါလီရခိုင်နှင့် မြန်မာပြည်ဘွား ရိုဟင်ဂျာကို အစားထိုးလိုက်သည့် သဘောပင်။ မြန်မာဘက်မှ အကြောင်းပြချက်မှာ ဘင်္ဂါလားဒေ့ရှ်ှမှ လူဦးရေမည်မျှဝင်ခဲ့၍ ပြန်ပို့ခဲ့သည် ဟူလို။ (နှစ်ပေါက် တစ် ပေါက် ရိုက်ခြင်းသာ ဖြစ်သည်။) ဘင်္ဂါလားဒေ့ရှ် စစ်ပြီး၍- ဘင်္ဂါလီ ရခိုင်များ နေရင်းဘင်္ဂါးလာဒေ့ရ်ှသို့ ပြန်သော အခါတွင် ဘင်္ဂါလားဒေ့ရ်ှဘက်၌ လူဦးရေပိုနေသည့်အပြင်၊ မြန်မာဇာတိ ရိုဟင်ဂျာများမှာလည်း သူတို့မြေ၊ သူတို့ ရေမဟုတ်- သူတို့ပိုင်ဆိုင်မှု မရှိသော နေရာ၌ ဒုက္ခသည်ဘ၀ဖြင့် သောင်တင်နေရတော့သည်။
လူ- လူချင်း၊ ဟူသော အမြင်ဖြင့် ထိုအချက်ကို ကျွန်ုပ်တို့အားလုံး စဉ်းစားပေးရပေမည်။ ဘာသာ တူ၍ ဟူသော အမြင်မျိုး မဟုတ်ဘဲ၊ လူ ဟူသော အသိနှင့်ပင်၊ သူတို့အတွက် စဉ်းစားပေးရပေမည်။ သူတို့သည်လည်း သူတို့၏ လူ့အခွင့်အရေး၊ သူတို့မိဘဘိုးဘွားပိုင်များကို ကျွန်ုပ်တို့ကဲ့သို့ သံယောဇဉ်ရှိမည်၊ တွယ်တာမည်သာ ဖြစ်တော့ သည်။
ဦးဌေးလွင်ဦး ရေးသားမှုအားပြန်လည်ဖော်ပြခြင်းဖြစ်ပါသည်။
No comments:
Post a Comment