---


အစ္စလာမ်မို့ အလိုင်ကွမ်း
အစ္စလာမ့်ရောင်ခြည် ဘလော့ဂ်မှ လှိုက်လှဲစွာကြိုဆိုပါသည


Tuesday, August 9, 2011

ကျမ်းမြတ်ကုရ်အာန်ကပြောသော ဆွီယာမ်

စိတ်စွမ်းရည်ကိုဖွံ့ဖြိုးတိုးတက်စေသောကျင့်စဉ်

ဘာသာသာသနာတိုင်းတွင် ဥပုသ်သီလစောင့်ထိန်းခြင်းကို ပြဌာန်းထားသကဲ့သို့ အစ္စလာမ်သာသနာ ၀င်များဖြစ်သော မွတ်စလင်မ်(ခေါ်) ငြိမ်းချမ်းရေးဝါဒီများ အတွက် လည်း ဥပုဒ်သီ လစောင့်ထိန်းခြင်းကို တာဝန်တစ်ရပ်အဖြစ် ပြဌာန်းထားသည်။ မွတ်စလင်မ်တို့၏ ဥပုဒ်သီလ စောင့်ထိန်းခြင်းသည် အစ္စလာမ့် အခြေခံမဏ္ဍိုင်ကြီး (၅)ခုအ နက် တစ်ခုအပါအ၀င်ဖြစ်သည်။ အစ္စလာမ်သာသနာ ၀င်တို့၏ဥပုဒ်သီလ စောင့်ထိန်းခြင်းတွင် စိတ်ပိုင်းဆိုင်ရာ ခံနိုင်ရည်ရှိမှုကို လေ့ကျင့်ပေးသော ကျင့်စဉ်ဖြစ်သကဲ့သို့ ရုပ်ပိုင်း ဆိုင်ရာအားဖြင့်လည်း ဆင်းရဲသားများ၏ စား ရမဲ့သောက်ရမဲ့ ဘ၀ကိုလက်တွေ့ ခံစားရစေ၍ ကိုယ်ချင်း စာနာစိတ်များ ဖြစ်ပေါ်စေရန် အတွက်လည်းဖြစ်သည်။ သို့မှသာအစ္စလာမ့်မဏ္ဍိုင် တစ်ခုဖြစ်သော (ဇကားသ်)ဆင်းရဲသားများ၏ ထောက်ပံ့ကြေး ရံပုံငွေဆိုသည်ကို ပိုမိုနားလည် လာစေနှိုင်မည်ဖြစ်သည်။
ဆွီယာမ်(ခေါ်) ဥပုသ်သီလ စောင့်တည်ခြင်းသည် လူသား၏စိတ်စွမ်းအင်ကို ဖွံ့ဖြိုးတိုးတက်စေ၍ မကောင်းမှုဒုစရိုက်များမှရှောင်ကျဉ် စေနှိုင်သော ကျင့်စဉ်တစ်ရပ်လည်း ကြောင်း၊ ကျမ်းမြတ်ကုရ် အာန်၂း၁၈၃တွင်-

(အိုသက်ဝင်ယုံကြည်သူ အပေါင်းတို့ ငါအရှင်သည် အသင်တို့၏အလျှင်က ရှိခဲ့ကြကုန်သော သူများအ ပေါ် သို့ (ဆွီယမ်)ဥပုဒ်သီလ စောင့်ထိန်းခြင်းကို သတ်မှတ်ပြဌာန်းထား သကဲ့သို့ အသင်တို့အပေါ်သို့ လည်း (ဆွီယမ်)ဥပုဒ်သီလ စောင့်ထိန်းခြင်းကို ပြဌာန်းခဲ့သည်။ သို့မှသာအသင်တို့သည် အရှင့်သိစိတ်ဖြင့် ရှင်သန်သူများ(၀ါ) မကောင်းမှုဒုစ ရိုက်များမှ ရှောင်ကြဉ်၍ ကောင်း မြတ်သော အကျင့်သီလများတွင် အင်တိုက်အားတိုက် ပါဝင်ဆောင်ရွက်နှိုင်ရန် အလှို့ငှာဖြစ်သည်) ကုရ် အာန်၂း၁၈၃

ထိုဗျာဒိတ်ပါ (လအလ်လကွမ်-သသ်သကူးန်း)(ဆွီဟမ်)ဥပုဒ်သီလ စောင့်ထိန်းခြင်းဖြင့် မကောင်းမှုဒုစ ရိုက်များမှ ရှောင်ကျဉ်နှိုင်ရန်အတွက် ဖြစ်သည်။ စားခြင်းသောက်ခြင်း နှင့် မေထုံမှီ ၀ဲခြင်းသည် သာမန် အချိန်များတွင် ပြုခွင့်ရှိသော်ငြားလည်း ဥပုဒ်သီလစောင့်ထိန်းချိန်တွင် ထိုအမှုများကို ရှောင်ကျဉ်ခြင်း အလေ့အကျင့်မှ မိမိ၏စိတ်စွမ်းအင်ကို ချုပ်တည်းနှိုင်ရန် လေ့ကျင့် ပေးခြင်းဖြစ်သည်။

လူသားသည် စားရမဲ့သောက်ရမဲ့သော အချိန်များနှင့်ဆုံဆည်းနှိုင်ခွင့် ရှိနှိုင်သည့်နည်းတူ ခင်ပွန်းသည်က ဇနီးမယားနှင့်လည်းကောင်း၊ ဇနီးသည်ကလည်း ခင်ပွန်းသည်နှင့် လည်းကောင်း ကင်းကွာ၍နေရသော အချိန်များလည်း ရှိနှိုင်ပေသည်။ ထိုသို့သော အချိန်များတွင် (ဆွီယမ်)ဥပုဒ်သီလ စောင့်ထိန်းခြင်းသည် စာလောင်ငတ်မွတ်ခြင်းနှင့် လို လားတတ်မက်ခြင်းတို့၏ နောက်ဆက်တွဲဆိုးကျိုးများနှင့် မကောင်းမှု ဒုစရိုက်များမှ လွယ်ကူစွာတွန်းလှန် ရှောင်ကျဉ်နှိုင်ရန် ပြုစုပြိုးထောင်ပေးသော ကျင့်စဉ်တစ် ရပ်လည်း ဖြစ်သည်။

ထိုနည်းတူစွာ အစ္စလာမ်သာသနာက ပြဌာန်းထားသော စနစ်ဇယားအတိုင်း ကိုယ်စိတ်နှလုံးသုံးပါးစလုံး က အရှင့်သိစိတ်ဖြင့် မကောင်းမှုဒုစရိုက်များမှ ရှောင်ကြဉ်၍ ကောင်း မြတ်သောအကျင့်သီလများတွင် အင်တိုက်အားတိုက် ပါဝင်ဆောင်ရွက် နှိုင်ခြင်းနှင့်အတူ လိုက်နာဆောင်ရွက် ရခြင်းကိုပင် စိတ်သဏ္ဍန် တွင် ပီတိသောမနဿ ခံစားနေ မည် ဖြစ်သည်။

တုနှိုင်းမဲ့ကိုးကွယ်ရာ အလ္လာဟ်အရှင်သည် မိမိ၏ဖန်ဆင်းခံ ကျေးကျွန်များဖြစ်သော လူသား၏သဘော သဘာဝကို အသိဆုံးသော အရှင်ဖြစ်၏။ လူသားသည် အခြားဖန် ဆင်းခံသတ္တဝါများနှင့် မတူသောအ ချက်မှာ အကောင်းနှင့်အဆိုးကို ခွဲခြားသိမြင်နိုင်သော အချက်ပင်ဖြစ်သည်။ ဤသည်ကို ဆင်ခြင်တုံ တရားဟု ယေဘူယျ ခေါ်ဆိုကြ သည်။ လူသား၏တန်ဘိုးသည် ထိုဆင် ခြင်တုံတရားအားဖြင့်အကောင်း နှင့်အဆိုးကို ခွဲခြားသိရှိပြီး မကောင်းမှုများမှ ရှောင်ကျဉ်နှိုင်၍ ကောင်းမှုများအားဖြင့် ဘ၀တည် ဆောက် နှိုင်ခြင်းအပေါ် သတ်မှတ်ဆုံးဖြတ်ခြင်း ဖြစ်သည်။

လူသားသည် အတ္တစိတ်၏ လွှမ်းမိုးမှုကိုခံရတတ်သော သဘောသဘာဝ ရှိသူဖြစ်သည်။ ဥပမာ- လူသတ်မှု တစ်ခုကို ကျူးလွန်မိသူသည် ထိုပြစ်မှု၏နောက်ဆက်တွဲ ဆိုးကျိုး များကို မသိ၍ ကျူးလွန်ခြင်း မဟုတ်ပေ။ မိမိ၏ဒေါသ စိတ်ရိုင်းကို ထိန်းချုပ်နိုင်ခြင်း မရှိသောကြောင့် လူသတ်မှုကျူးလွန်မိခြင်း ဖြစ်သည်။ ထိုကဲ့ သို့ပင် ကာမေသုမိစ္ဆာ စာရ ကံကျူးလွန်မိသူသည် မိမိ၏ ရာဂစိတ်ရိုင်းကို မထိန်းချုပ်နိုင်ခြင်း ကြောင့်ပင်။ ထိုနည်းတူစွာ သူတစ်ပါး၏ ဥစ္စာပစ္စည်းကို ခိုးဆိုးလုယက် တိုက်ခိုက်မတရား ယူခြင်းသည် လည်း မိမိ ၏လောဘစိတ်ရိုင်းကို မထိန်းချုပ်နှိုင် ခြင်းကြောင့် ပင်။

များသောအားဖြင့် ခိုးဆိုးလုယက် တိုက်ခိုက်သတ်ဖြတ်မှုများမှာ ဆာလောင်ငတ်မွတ်၊ လိုလားတောင့် တရာမှ တစ်ဆင့်၊ ဆင်းရဲလွန်းခြင်း၏ဒဏ်၊ လူရာမ၀င်လွန်းဟု ခံစားရ ခြင်းဒဏ်၊ အနှိမ် ခံရသည်ဟုထင် မြင်စွဲမှတ်လာသည့် ဒဏ်စသည့် စိတ်ပိုင်းဆိုင်ရာ ဒဏ်ရာဒဏ်ချက်ပေါင်းများစွာမှ အခြေခံလာခြင်း ဖြစ်သည်။ ထို့အတွက်ကြောင့် ဆာ လောင်ငတ်မွတ်ခြင်းဒဏ်၊ လိုလားတောင့်တခြင်းဒဏ်များကို ကျင့် သားရစေရန်၊ ဆာလောင်ငတ်မွတ်လာလျှင်လည်း ခံနှိုင်ရည်ရှိစွာဖြင့် ကြံ့ခိုင်ခြင်းဟူသော မယိမ်းမယိုင် နှိုင်သည့် စိတ်ဓါတ်မျိုးကို (ဆွီယမ်) ဥပုသ်သီလ စောင့်ထိန်းခြင်းဖြင့် လေ့ကျင့်ပေခြင်း ဖြစ်သည်။

သို့ဖြစ်၍ ရမ်ဒွါန်လမြတ်တွင် လူခပ်သိမ်းတို့အဖို့ လမ်းညွှန်အဖြစ် ကျမ်းမြတ်ကုရ်အာန်ကို တမန်တော်မြတ် အပေါ်သို့ ဗျာဒိတ်အဖြစ်ချပေးခဲ့ကြောင်း၊ အစ္စလာမ်သာသနာ ၀င် တို့အား တစ်နှစ်တွင်တစ်လ ရမ်ဒွါန် လတွင် ဥပုသ်သီလ စောင့်ထိန်းရန်နှင့်၊ ကျန်းမာရေးချို့ တဲ့သူများ၊ ခရီးသည်များအတွက် ဥပဒေအသေး စိတ်ကို ကျမ်းမြတ်ကုရ် အာန် ၂း၁၈၄တွင်-ပြဌာန်းထားပေသည်။

(ဆွီယမ်)ဥပုဒ်သီလဆိုင်ရာ စီးကမ်းများ

(အသင်တို့ဆွိယာမ်ဥပုဒ်သီတင်း ဆောက်တည်ကြရမည့်နေ့ရက်များကား) ရေတွက်ထားသည့် (အနည်း ငယ်မျှသော)နေ့ရက်များပင်တည်း။ သို့ရာတွင်အသင်တို့အနက်မှ တဦးတစ်ယောက် သောသူသည် ဝေဒ နာစွဲကပ်၍မကျန်းမာသောကြောင့်ဖြစ်စေ၊ သို့တည်းမဟုတ် ခရီးထွက်လျက် ရှိနေသောကြောင့်ဖြစ်စေ၊ ထိုသူ့အပေါ်၌အခြား သောနေ့ ရက်များတွင် တွက်ချက်၍ ဖြည့်စွက်(ဆောက်တည်)ရန်တာဝန်ရှိပေ သည်။ တဖန် အကြင်သူတို့သည် ခဲယဉ်းစွာ ဥပုဒ်သီလဆောက်တည်ကြရပါမူ ယင်းသူတို့သည် (ထိုပျက် ကွက်သော နေ့ရက်များ)အစား (တစ်ရက် လျှင်)သူဆင်းရဲတဦးကို (ထမင်းတစ်ရက်စာ) ကျွေးမွေးကြ ရမည်။ သို့ရာတွင် အကြင်သူသည် မိမိစိတ်စေတနာအ လျောက် တစ်စုံတစ်ခုသော ကောင်းမှုကုသိုလ်ကို ပြုလုပ်ခဲ့သည်ရှိသော် ယင်းသို့ပြုလုပ်ခြင်းကား ထိုသူ၏အဖို့ ပို၍ပင်ကောင်းမြတ်ပေသည်။ သို့သော်ငြား လည်းအကယ်စင်စစ် အသင်တို့သည် ဥပုသ်သီလဆောက်တည်ခြင်း၏အကျိုးအာနိသင်တို့ကိုသိနားလည် သူများ ဖြစ်ကြပါလျှင် အသင်တို့အဖို့အရာ ဥပုဒ်သီလဆောက်တည်ခြင်းသည် သာလျှင် ပို၍ကောင်းမြတ် သောအမှုပင် ဖြစ်ပေသတည်း။)

ကျမ်းမြတ်ကုရ်အာန်၂း၁၈၅တွင်-

(ရမ်ဒွါန်လ၌ပင် ကုရ်အာန်ကျမ်းတော်မြတ်သည် လူသားခပ်သိမ်းတို့အဖို့ တရားလမ်းညွှန်အဖြစ်လည်း ကောင်း၊ အမှားအမှန်ကို ခွဲခြားသိစေနှိုင်သော ထင်ရှားလှသည့် မှတ် ကျောက် အ ဖြစ်လည်းကောင်း ချပေးခဲ့လေသည်။ အသင်တို့အနက်မှ မည်သူမဆို ထို(ရမ်ဒွါန်)လမြတ်နှင့် ကြုံကြိုက်ခဲ့ပါလျှင် ထိုသူသည် ယင်းလမြတ်၌ (တစ်လပတ် လုံး) ဥပုဒ် သီလဆောက်တည်ရပေ မည်။ သို့ဖြစ်လေရာ အကြင်သူတစ် ဦးတစ်ယောက်သည် တစ်စုံတစ်ရာ ဝေဒနာစွဲကပ်၍ မကျန်းမမာဖြစ်ခဲ့သော်၊ သို့တည်းမဟုတ် ခရီးထွက် လျက်ရှိနေခဲ့သော် ထိုသူ့အပေါ်ဝယ် အခြား သော နေ့ရက်များတွင် (မိမိပျက်ကွက်ခဲ့သောဥပုသ်ရက်များ ကို)တွက်ချက်၍ (ဖြည့်စွက်)ဆောက်တည်ရန် တာဝန်ရှိ ပေသည်။ အလ္လာဟ်အရှင်မြတ်သည်အသင်တို့ အဖို့ သက်သာချောင်ချိ မှုကို အလိုရှိတော်မူပေသည်။ အသင်တို့ အဘို့ခက်ခဲမှုကိုကား (အလျင်း)လို လားတော်မူသည် မဟုတ်ချေ။ ထို့ပြင်တ၀ (အလ္လာဟ်အရှင်မြတ်သည်)အသင်တို့ ပျက်ကွက်ခဲ့သောနေ့ ရက်) အရေအတွက်ကို ပြီးပြည့်စုံရန်လည်းကောင်း၊ အလ္လာဟ်အရှင်မြတ်အား ထိုအရှင် မြတ်ညွှန်ပြ တော် မူသော နည်းလမ်းအတိုင်း ကြီးကဲမြင့်မြတ်တော်မူကြောင်း ရွတ်ဆိုကြရန်၎င်း (အလိုဆန္ဒ ရှိတော် မူသည်)၊ သို့မှသာလျှင် အသင်တို့သည် (ထိုအရှင်မြတ်၏) ကျေးဇူးကို သိသောသူများ ဖြစ်ကြရာသည်။)

ကျမ်းမြတ်ကုရ်အာန်သည် လူသားတစ်ရပ်လုံးအဖို့ လမ်းညွှန်ကျမ်းဖြစ်သည်နှင့်အညီ အမှန်နှင့်အမှားကို ခွဲခြားသိရှိရန်အတွက် မှတ်ကျောက်လည်းဖြစ်သည်။ မွတ်စလင်မ် များအဖို့ ဘိုးဘွားဘီဘင်များမှတစ်ဆင့် လက်ဆင့်ကမ်းကျင့်သုံး၍ ပုံစံအမျိုးမျိုးဖြင့် မိမိတို့ထံသို့ ရောက်ရှိလာသော ရိုးရာယဉ်ကျေးမှုများနှင့် တရားစစ်တရားမှန်များကို ကျမ်းမြတ်ကုရ်အာန်၏ စံချိန်စံညွှန်း မှတ်ကျောက်ဖြင့် စမ်းစစ်ကြရမည်မှာ လည်း တာဝန်တစ်ရပ်ဖြစ်ကြောင်းကို ထိုဗျာဒိတ်က လမ်းညွှန်ထားခြင်းဖြစ်သည်။ သို့မှသာမွတ်စ လင်မ် များအတွင်း အဓိကနှင့်သာမညကို ခွဲခြားသိရှိ ပြီး အဓိကမကျသည့် ကိစ္စရပ်များကိုအခြေခံ၍ အငြင်းပွားမှု များမှ ကင်းဝေးနှိုင်ပြီး စည်းလုံးညီညွတ်မှု ပြိုကွဲခြင်းမှ ကာ ကွယ်နှိုင်မည် ဖြစ်သည်။

ထိုနည်းတူစွာ ကျမ်းမြတ်ကုရ်အာန် ၂း၁၈၇တွင်-

(အို-မွတ်စ်လင်မ်အပေါင်းတို့) အသင်တို့အဖို့ရာ ဥပုသ်နေ့၏ညဥ့်၌ မိမိတို့ဇနီးမိန်းမများနှင့် သံဝါသပြုခြင်း ကိုခွင့်ပြု တော်မူလေပြီ။ ယင်းဇနီးမိန်းမများသည် အသင်တို့အဖို့ရာ (အရှက်အိနြေ္ဒ ကို လုံခြုံစေသော) ၀တ်စားတန်ဆာများ(ကဲ့သို့) ဖြစ်ကြ၏။ ထိုနည်းတူစွာ အသင်တို့သည်လည်း ထိုဇနီးမိန်းမများအဖို့အရာ (အရှက်အိနြေ္ဒကို လုံခြုံစေသော) ၀တ်စား တန်ဆာများ (ကဲ့သို့) ပင်ဖြစ်ကြလေသည်။ မိမိတို့ကိုယ်ကို မိမိတို့ပင် လှည့်စားလျက် ရှိနေခဲ့ကြသည်ကို အလ္လာဟ်အရှင်မြတ်သည် သိရှိပြီး ဖြစ်တော်မူ၏။ သို့ပင်တ စေ ထိုအရှင်မြတ်သည် အသင်တို့အပေါ်ဝယ် ကရုဏာတော်ဖြင့် ပြန်လှည့်တော်မူ၍ အသင်တို့ကို ခွင့်လွှတ်တော်မူပြီးဖြစ်၏။ ထို့အတွက်ကြောင့် ယခုမှစ၍အ သင်တို့သည် ထိုဇနီးမိန်းမတို့နှင့် သံဝါသပြု ကြလေကုန် အသင်တို့အဖို့ အလ္လာဟ်အရှင်မြတ် ပြဋ္ဌာန်းထားတော် မူသောအရာများကို ရှာဖွေကြလေ ကုန်။ ထိုမှတစ်ပါးတုံ အသင်တို့သည် ချည်မျှင်အနက်မှ ချည်မျှင်အဖြူကို ပေါ်လွင်ထင်ရှားစွာခွဲခြားနှိုင် သည့် အရုဏ်ဦးအချိန်တိုင်အောင် စားကြကုန် သောက်ကြကုန်လော့။ တဖန်အသင်တို့သည် ညဥ့်အချိန် ရောက်သည့်တိုင်အောင် ဥပုသ်သီလ ဆောက်တည်ကြကုန်လော့။ သို့ရာတွင် အသင်တို့သည်ဗလီ ကျောင်းတော်များတွင် (အေ့တိကာဖ်)သီတင်းသုံး နေထိုင်ကြ စဉ်အခါ၌ ဇနီးမိန်းမတို့နှင့် သံဝါသပြု ခြင်းကို အလျင်းမပြုကြကုန်လင့်။ ဤသည်တို့သည် အလ္လာဟ်အရှင်မြတ် သတ် မှတ်ထားသောနယ်နိမိတ် များပင် ဖြစ်ရကား အသင်တို့ သည် ထိုနယ်နိမိတ်များ၏ အပါးသို့ပင် မချဉ်းကပ်ကြကုန်လင့်အလ္လာဟ် အရှင်မြတ်သည် ဤနည်းအတိုင်းပင် မိမိအမိန့် ပြဌာန်းချက် များကို လူခပ်သိမ်းတို့ (သိစိမ့်သော ငှါ) ရှင်းလင်းဖော်ပြထားလေသည်။သို့မှသာလျှင် ယင်းသူတို့သည် ပြစ်မှုဒုစ ရိုက်တို့မှ ရှောင်ကြဉ်သော သူများ ဖြစ်တန်ကြရာကုန်သတည်း။)

ထိုဗျာဒိတ်ပါ ချည်မျှင်အနက်နှင့် ချည်မျှင်အဖြူဟူသည် ညဉ့်အမှောင်နှင့် နေ့၏အလင်းတို့၏ စပ်ကြားရှိ အရုံဦး အချိန်ဖြစ်သည်ဟု (မုဖတ်စစ်ရ်)များက ဖွင့်ဆိုကြသည်။

ဖေါ်ပြပါဗျာဒိတ်များသည် (ဆွီယမ်)ဥပုဒ်သီလ စောင့်ထိန်းခြင်းဆိုင်ရာ ဥပဒေများဖြစ်သည်။ ထိုဥပဒေများ သည် လူသားသဘာဝနှင့် ဆန့်ကျင်နေခြင်းမရှိသကဲ့သို့ လူသား များလိုက်နာကျင့် သုံးရန်အတွက်လည်း မည်သည့်အ ခက်အခဲမျှမရှိကြောင်းကို ထင်ရှားစွာတွေ့မြင်ရပေသည်။

အစ္စလာမ်သာသနာ၏ လမ်းညွှန်မှုများသည် တစ်ခုနှင့်တစ်ခု ဆက်နွယ်လျှက်ရှိနေပေသည်။ ထိုဥပဒေ များ၏ အနှစ်သာရများကို နားလည်သဘောပေါက်ပြီး လက်တွေ့လိုက် နာ ကျင့်သုံးနှိုင် ခြင်းဖြင့် လူ့အဖွဲ့ အစည်းကြီးတစ်ခု လုံးအတွင်းတွင် ပရိပက္ခကင်းဝေးစွာဖြင့် ငြိမ်းချမ်းစွာအတူယှဉ်တွဲ ဘ၀တည်ဆောက် နှိုင်မည်ဖြစ်သည်။

အစ္စလာမ် သာသနာသည် လူမှုရေး နယ်ပယ်၌ တရားမျှတမှုကို လုံးဝအခြေခံ၍ တည်ဆောက်ထားသော လူ့အဖွဲ့အစည်းကြီး တစ်ခုဖြစ်သည်။ ထိုလူ့အဖွဲ့အစည်းကြီးကို (အွမ္မဟ်)သို့မဟုတ် ငြိမ်းချမ်းရေးဝါဒီမွတ် စလင်မ်အသိုက်အမြုံကြီးဟု ခေါ်သည်။ ထိုအသိုက်အမြုံကြီးသည် ကုရ်အာန်ပြစနစ်ဇယားအတိုင်းတမန် တော်မြတ်ကိုယ်တိုင်က မဟာသာဝကများနှင့်အတူ ခဲရည်ဖြင့်သွန်းလောင်းထားသော အဆောက်အဦး ကြီးသဖွယ် အလွန်ကျစ်လစ်ခိုင်မာ တောင့်တင်းသော လူ့အဖွဲ့အစည်းကြီး တစ်ခုကိုလက်တွေ့ တည် ဆောက်ပြခဲ့သည်။ ထိုလူ့ အဖွဲ့အ စည်းကြီး၏ ညီညွတ်မှုသည် တစ်ဦးတစ်ယောက်အပေါ်ကျရောက်လာ သော အခက်အခဲများကို စုပေါင်းရင်ပေါင်တန်း၍ ညီညာစွာ ၀ိုင်းဝန်းဖယ်ရှားပေးသူများ ဖြစ်ကြသည်။ ထိုအကြောင်း ကို(ကုရ်အာန် ၆၁း၎) တွင် ဖေါ်ပြထားသည်။

“အွမ္မဟ်”(ခေါ်)မွတ်စလင်မ် အသိုက်အမြုံကြီးအတွင်း စည်းလုံးညီညွတ်၍ ခိုင်မာတောင့်တင်းသော ခဲရည် ဖြင့် သွန်းလောင်းထားသည့် အဆောက်အဦကြီး သဖွယ်ရှိ နေခြင်း သည် ကုရ်အာန် ပြစနစ်ဇယားအတိုင်း အပြည့်အ၀ လိုက်နာကျင့်သုံးခဲ့သည့် တမန်တော်၏ကျင့်စဉ်ကျင့်ရပ် ပေါ်တွင်တည်ရှိနေသော လက္ခဏာ တစ်ရပ် ဖြစ်သည်။ အကယ်၍ “အွမ္မဟ်”ဟူသော မွတ်စလင်မ် အသိုက်အမြုံကြီးအတွင်း စည်းလုံးညီ ညွတ်မှုပြိုကွဲ၍ ဂိုဏ်းဂဏများစွာ ပေါ်ပေါက် လာခြင်းသည်၊ ကုရ်အာန်ပြ စနစ်ဇယားအတိုင်း လိုက်နာ ကျင့်သုံးမှု မရှိတော့သည့် တမန်တော်၏ ကျင့် စဉ်ကျင့် ရပ်များနှင့် ဆန့်ကျင်သော လက္ခဏာတစ်ရပ် ဖြစ်သည်။

မွတ်စလင်မ်များသည် မွန်မြတ်လှသော ရမ်ဇွါန်လမြတ်တွင် (ဆွီယမ်) ဥပုဒ်သီလ စောင့်ထိန်းခြင်းဖြင့် အလ္လာဟ်ပြစနစ်ဇယားအပေါ် တမန်တော်မြတ်မုဟမ္မဒ် (ဆွလ္လာဟ်ဟုအ လိုက်ဟိဝဆွလ္လာမ်)၏ လက်တွေ့ ဘ၀တည်ဆောက်မှုစံအတိုင်း လျှောက်လှမ်းရင်း ခဲရည်ဖြင့်သွန်းလောင်းထားသော အဆောက်အဦးကြီး သဖွယ် ပြန်လည်စည်းလုံး ညီ ညွှတ်နှိုင်ပါစေကြောင်း ဆန္ဒပြု လိုက်ပါသည်။

ပို့စ်မျှဝေသူ ဦးစိုးလွင်(ငြိမ်းချမ်းလျှပ်စစ်) အားကျေးဇူးတင်ပါသည်။
Ref : Islam Yaungche Society (IYS) Group

No comments: